KBYN နံၣ်ကတၢၢ်တၢ်အိၣ်ဖှိၣ်ဘၣ်တၢ်မၤအီၤစးထီၣ်ဖဲ ၁၆/၀၄/၂၀၂၅ တုၤ ၂၀/၀၄/၂၀၂၅နံၤန့ၣ်လီၤ. သးစၢ်တဖၣ်အိၣ်ဒီး တၢ်မၤလိသကိးလံာ်စီဆှံ တၢ်ဂ့ၢ်ခိၣ်တီလၢအမ့ၢ်၀ဲ ယ့ၣ်ရှူးမ့ၢ်ကျဲ, တၢ်မ့ၢ်တၢ်တီ ဒီး တၢ်မူန့ၣ်လီၤ. တနံၣ်အံၤ သရၣ်သိၣ်လိတၢ်မ့ၢ်၀ဲ သရၣ်ၡဲလၣ်ထူ ဟဲလၢကီၢ်တမဲရံကၤတခီန့ၣ်လီၤ. အိၣ်စ့ၣ်ကီးဒီးကရူၢ်တၢ်ပြၢ, တၢ်ရူးပြၢလံာ်စီဆှံ, တၢ်သး၀ံၣ်ပြၢ, တၢ်လိၣ်ကွဲဖျၢၣ်ပှီၢ်, ဒီးတၢ်သး၀ံၣ်လိတဖၣ်လၢဘၣ်တၢ်သိၣ်လိအီၤလၢသရၣ်ဟါရံၣ်န့ၣ်လီၤ. ဖိသၣ်ဆံးတၢ်သိၣ်လိတခီဘၣ်တၢ်သိၣ်လိအီၤလၢ သရၣ်မုၣ်အဲၣ်၀ါဖီထူ, သရၣ်တၢ်ကျဲၤကျဲၤ, သရၣ်မုၣ်မူမူရၣ်ထူဒီးသရၣ်ထိၣ်ထူန့ၣ်လီၤ. ၁၉ သီနံၤမ့ၢ်၀ဲနံၣ်ကတၢၢ် တၢ်အိၣ်ဖှိၣ်တၢၣ်ပီၣ်သကိး, နံၣ်ကတၢၢ်တၢ်ပာ်ဖျါတဖၣ်ဒီးတၢ်ဃုထၢထီၣ်က့ၤခိၣ်နၢ်အသီလၢကမၤတၢ်လၢ ၂၀၂၅နံၣ် တုၤ ၂၀၂၈နံၣ်အဂီၢ် န့ၣ်လီၤ. ကမံးတံာ်လၢ ၂၀၂၅ တုၤ ၂၀၂၈ နံၣ်အဂီၢ်မ့ၢ်၀ဲ ကရၢခိၣ် စီၤအဲၣ်ဘၤဒံၤ, ကရၢခိၣ် ခံ စီၤဆၢန့ၢ်ထူ, နဲၢ်ရွဲၢ် နီၢ်ပှဲၤကလုာ်မူ, နဲၢ်ရွဲၢ်သဃဲၤ  နီၢ်အဲနၣ်ထူ, ပှၤပၢၤစ့ နီၢ်ၡံခုၣ်, ပှၤစဲးစ့ နီၢ်အဲၣ်ခဲလၢာ် ဒီး စီၤအီးစတံၢ်, တၢ်ဆဲးကျိးမူဒါခိၣ် နီၢ်အဲၣ်ဒိၣ်န့ၢ်စ့န့ၣ်လီၤ. သူၣ်က့သးပှၢ်, သူၣ်စၢ်သးဘီၣ်, ဖိဒံဖိသၣ် ခဲလၢာ်ပာ်ဖှိၣ်လၢဟဲထီၣ်တၢ်အိၣ်ဖှိၣ်တဘျီအံၤအိၣ်၀ဲ အဂၤ ၉၀ တုၤ ၁၀၀ ဂၤဃၣ်ဃၣ်န့ၣ်လီၤ. ၂၀ သီနံၤမ့ၢ်၀ဲ တၢ်မၤလၤကပီၤက့ၤသရၣ်ဒီးတၢ်ပာ်ဖှိၣ်ဘါသကိးယွၤန့ၣ်လီၤ.